我係Nanny of Sex，幾個月前開始喺Instagram以唔同嘅角度講性。耐唔耐都會收到私信問：「咩係高潮？」、「點為之高潮？」，但高潮冇固定嘅模樣，亦唔需要有。每個人嘅反應都會有差異，每一次都係獨特嘅經驗，你高潮嘅樣子同我也一定不一樣。生理上嚟講可能係身體嘅變化包括心跳、呼吸、肌肉收縮，具體係點？大概不是AV中緊緊抓著床單，腳趾縮起，雙眼向上翻，搖著頭並呼吸急促地大叫いくいく。

「點解想追求高潮？」

「想知對方爽唔爽。」

「但唔高潮唔等於你地做愛唔開心，可能佢都好享受。」

性愛不是只有插入性交，高潮亦不是性愛唯一目的。以一個交貨收貨嘅態度去做愛，交唔到貨就難免會失望同懊惱，而忽略過程嘅美好。我經常掛喺嘴邊係開心就好，兩個人（或者更多）性愛過程中感到愉悅比起生理上嘅反應更重要吧。如果係想高潮，自己一個甚至更快更易，唔係咩？我地喺性上面都羞於表達自己，想知道對方係咪有高潮，直接問會唔會好啲？驚佢係扮高潮？咁就不如思考下點解對方會扮、需要扮，平時嘅溝通係點？

咩係最好嘅性愛？向Google大神取經搵個陰蒂、G點出黎，到時起勢咁撳，或者捉住陰莖不停刺激龜頭？每個人嘅身體反應都唔同，最好就當然同對方一齊探索發掘下。邊到舒服，邊到唔舒服，邊到會太刺激，邊到會痛，邊到冇感覺，呢啲都係Google大神冇辦法話你知，得你同佢先知。當然如果身體基本構造都唔係好清楚，驚入錯窿嘅話，咁就真係要了解清楚先，建議睇多地Nannyofsex嘅post。